Cartref

Mae prosiect ACTION yn helpu Mentrau Cymunedol a Chymdeithasol i dyfu drwy atgynhyrchu syniadau da, cymorth i gymheiriaid a datblygu ‘rhyddfreiniau cymdeithasol’. Mae partneriaid y prosiect, sef Prifysgol Cymru y Drindod Dewi Sant a Mentrau Gwledig Dunhill Cyfyngedig, yn ceisio adeiladu ar ein cefndiroedd yn y sectorau Menter Gymunedol a Chymdeithasol, er mwyn creu cysylltiadau cryf a dod o hyd i ffrydiau cynhyrchu refeniw cynaliadwy i’r dyfodol ar gyfer eu priod gymunedau.

Yn fwy na dim, mae prosiect ACTION eisiau creu cysylltiadau cryf â mentrau cymunedol a chymdeithasol yn rhanbarthau peilot y prosiect, sef Sir Gaerfyrddin a Swydd Waterford. Gall ACTION wneud y canlynol:-

• Cynorthwyo eich menter gymdeithasol wrth adnabod meysydd lle mae angen yn y farchnad neu gyfleoedd masnachu yn y rhanbarth partner.Darparu gweithdai gwybodaeth ar eich cyfer, er mwyn ymchwilio i’r cyfleoedd y gall ‘rhyddfreinio cymdeithasol’ eu cynnig i’ch sefydliad.
• Cynorthwyo eich menter gymdeithasol wrth adnabod ac amlygu ffynonellau incwm cynaliadwy.
• Rhoi cymorth a chyfarwyddyd i’ch helpu i greu cytundeb partneriaeth neu gydweithredu sydd o fudd i’r ddwy ochr gyda sefydliad perthnasol yn yr ardal bartner.
• Cynorthwyo eich sefydliad wrth gynllunio, dilyn a chyfuno modelau atgynhyrchu.

Mae’r prosiect yn bwriadu bod yn ganolbwynt yn y priod gymunedau i ddogfennu astudiaethau achos, trosglwyddo arferion gorau ac, yn y pen draw, trefnu’r gwaith atgynhyrchu, rhyddfreinio cymdeithasol a’r gwaith partneriaeth, a fydd nid yn unig yn helpu cynaliadwyedd y mentrau cymunedol a chymdeithasol presennol, ond yn helpu i gynyddu’r difidend cymdeithasol y gall y sefydliadau hyn ei gynnig.

Mae prosiect ACTION yn bwriadu bod yn fenter drawsffiniol wirioneddol gynaliadwy ac mae ganddo dîm prosiect penodedig sy’n barod i weithio gyda’ch sefydliad di-elw.

Yr hyn yr ydym yn ei gynnig i chi yw dull gwirioneddol wahanol o ran gweithio tuag at gynaliadwyedd eich sefydliad di-elw yn y dyfodol. Yr hyn sydd ei angen arnom gennych chi yw uchelgais i ymestyn ‘budd cymdeithasol’ eich sefydliad y tu hwnt i’ch ardal bresennol a meddwl agored (mae paned bob amser yn braf hefyd!).

Mae Prosiect ACTION yn cael ei ariannu’n rhannol gan Gronfa Datblygu Rhanbarthol Ewrop (ERDF), drwy Raglen Cymru ac Iwerddon (INTERREG 4A).